Saturday, July 22, 2017

මරි නම් ඇත්තින්නියට ලබා දුන් මරණ දඩවුම




මරි නම් ඇත්තින්නියට ලබා දුන් මරණ දඩවුම
_+_+_+_+_+_+_+_+_+_+_+_+_+_+_+_+_+_+_+_+_+_+_+_+_


මරි කියන්නේ ටෝන් 05කට ආසන්න දැවැන්ත ආසියානු ඇතින්නියක්.. ගොඩාක් මරිව දන්නේ මීනිමරු මරි කිව්වාම.. මෙයා ලෝක ප්‍රසිද්ධ සර්කස් කණ්ඩායමක් වන Sparks World එකේ රග දක්වපු ඇතින්නියක්.. ඒත් 1916 දී මෙයාගේ පුහුණුකරුව ඝාතනය කිරිමේ වරදට ප්‍රසිද්ධියේ එල්ලා මරණවා.. ඒ සිදුවීම ගැන කියන කතාවයි..

1916 සැප්තැම්බර් 12 වෙනිදා වොල්ටර් එල්ඩ්‍රිජ් ඔහුව ගොඩාක් අය හැදින් වූයේ රෙඩ් කියලා මොකද එයාගේ කොණ්ඩේ නිසා ඒක රතු පාට කැරලි ගැහුණු කොණ්ඩයක් නිසා මෙයා තමයි ලෝක ප්‍රසිද්ධ සර්කස් කණ්ඩායමේ අලි ඇතුන් පුහුණු පුහුණුකරුවා විදිහට වැඩට ගත්ත කෙනා.. මේ පුද්ගලයාට අලි ඇතුන් පාලනය ගැන කිසිදු ආකාරයක සමාන්‍ය දැනීමක්වත් නෑ, ඒත් තිබුනු සුදුසුකම් ( ඇගපත) හා හෙණ්ඩුව පාලනය කර ගන්න පුළුවන් නිසා මේ මනුස්සයාව වැඩට ගත්තා..හැබැයි මෙයා සර්කස් එකේ වැඩ කරේ එක දවසයි... මරි තමයි මේ සර්කස් එකේ තරුව වුනේ අතුන්ගේ අංගයේ දී හැම වෙලාවෙම ඉදිරිය ගත්තේ මරි.. මේ මිනිමරුම සම්බන්ධව ඇසි දුටුවෙකු යැයි කියාගත් ඩබලිව්.එච්.කෝල්මාන් මෙසේ කියා තිබුනා.. එල්ඩ්‍රිජ් විසින් මරීගේ කණ පිටුපසට අල්ල කරපු පහරක් නිසා ඇය කෝප වුනු බවත් ඇයගේ හොඩවැලෙන් ඔහුව උස්සා වතුර තබා තිබී මෙසේය මතට විසි කර, පසුව ඔහු ළගට ගිය ඇය හිස පාගා පොඩි කර දැමූ බව කියා තිබුනා..

බියට පත් ප්‍රේක්ෂකයන් හිස් ලූලූ අත දිව ගිය අතර, එතන සිටි කම්මල්කරුවෙකු තමන් සතු ගිණි අවියෙන් වෙඩි ප්‍රහාර කිහිපයක් එල්ල කරලා තිබුනා ඒත් මේ දැවැන්ත ඇතින්නියට එයින් කිසිදු හානියක් වෙලා නම් නෑ. පසුව ඇය සන්සුන් වූ නමුත් බියට පත් ප්‍රේක්ෂකයන් “Kill the elephant, kill the elephant!” ( අලියාව මරන්න) ලෙස කියමින් කෑ ගසමින් දුව ගිය බව සදහන් වෙනවා.
සර්කස් කණ්ඩායමේ අයිතිකරු වුනු චාර්ලි ස්පාර්ක්ස් ඔහු අවාසනාවන්ත තීරණයකට එළඹෙනවා ඒ ඇතින්නිය තවත් පිරිසකට කරදර කරන පොදු ස්ථානයකට යාමට පෙර ප්‍රශ්නය විසදන්න ඕන කියලා ඒකට ඔහු ගන්න තිරණය ඇතින්නිය ඝාතනය කිරීමයි. ඒ අනුව ක්‍රේන් එකක ඇතින්නිය ගැට ගසා එල්ලා මැරීමට තීරණය කරනු ලබනවා. එදා 1916 සැප්තැම්බර් 13 වෙනිදා දිනය හරියට මූසල දිනයක් වගේ මීදුමයි සමාන්‍ය පොද වැස්සකුයි වැටෙමින් තිබුනා.. මරී කිසිම දෙයක් දන්නේ නැතුව බලා සිටියා.. දැවැන්ත ක්‍රේන් එකක් සම්බන්ධ කරපු දුම්රියක් යුනිකොයි කවුන්ටි Tennessee වෙත ගෙන ආවා.. 2500කට අධික පිරිසක් මේ ස්ථානයට රැස්ව සිටියා. එතනින් ගොඩාක් අය ටවුන් එකේ හිටිය පුංචි ළමයි...මරිව දුම්රිය අංගනයට ගෙන ආවා.

මරියව තදින් දම්වැල් වලින් බැදලා දාන්න චාර්ල් ස්පාරක්ස් කටයුතු කරලා තිබුනා.. මොකද ඇය කලබල කරයි කියන බිය නිසා.. අනිත් ඇතුන් ටිකත් මරියා පිටිපස්සෙන් ගෙනත් තිබුනා. ඇයගේ දැගලීම නැවැත්වීම සදහා එක් පාදයක් රේල් පාරේ තබා තදින් ගැට ගසනු ලැබුවා. එය සිදු නොකළ යුත්තක් බව කාරුත් කියන්න උත්සහ කරේ නෑ. ඇගේ ඇටකටු බිදෙන හඩ ඒ නිහැඩියාව තුළ ඇසෙන්න වුනා.. ඇයගේ බෙල්ලේ අස්ථි බිදී මිය යන තුරුම අඩි පහකට වඩා ඉහළට ඔසවනු ලැබුවා. ඉහළට ඔසවා තිබු මරියාව එක සැරේ බිමට වැටී ඇගේ උකුල් ඇට බිදි ගියේය...
මෙවර නැවත වරක් ක්‍රේන් එකට ගැට ගැසූ මරියාව කළින්ටත් වඩා ඉහළට ඔසවනු ලැබීය. මෙවර කළින්ටත් වඩා ඇයගේ අස්ථි බිදිම සිදුවන්නට වුනා.. ඇයගේ වේදානත්මක කැගෑසීම හා අස්ථි බිදි යන හඩ බොහො දෙනාට සිනාහවක් හා කෝපයක් එක් කලා.. පැය භාගයකින් පමණ පසුව ඇය හැමදාටම නිහඩ වුනා.. ඇයගේ මිය ගිය සිරුර දැම්වැල් මත එල්ලමින් තිබුනා. එදා මේ අවස්ථාව ඡායාරූප ගත කෙරුනේ පහත අයුරින්.. බොහො දෙනා මේ ව්‍යාජ ඡායාරූප බව කිව්වත් එදා පළ වු වාර්තා හා අනිකුත් ඡායාරූප හමුවේ මේ සිදුවීම සත්‍යයක් බව තහවුරු වුනා.. කොහොම වුනත් ඇයගේ ජිවිතය අවාසනාවන්ත ලෙස අවසන් වුනා...

මට හිතෙන දේ තමයි මිනිසාගේ නීතිය කැලේ නිදහසේ ජිවත් වෙන සතෙකුට ක්‍රියා කරන්නේ කොහොමද? අහිංසක සතෙක් අල්ලගෙන ඇවිත් වද බන්ධන දීලා ඌට මොනවා හරි පුරුදු කරලා ඒ සතාගේ ජිවිතේ මේ විදිහට මිනිස්සුන්ට ඕන විදිහට නැති කරන්න පුළුවන් වුනේ කොහොමද? මෙය 20 වන සියවසේ අමානුෂිකම ක්‍රියාවක් විදිහට ඉතිහාසය තුළ ලිය වී ඇත......


කරුණු අන්තර්ජාලය ඇසුරිණි
/-Dilee SJ (සංජේ)

































Tuesday, May 9, 2017

~ ආන්කා මම උඹට.. ~



උඹත් ආසයි මුහුදට

මාත් ආසයි මුහුදට

අපේ කැමති අකමැති දේවල්

එදා ඉදලම ගැලපුණා හරි අපූරුවට

ඇලෙක්සෙයි ගොඩක් ස්තූතියි ඔයාට

දිලිසෙන ඇස් දෙක කිව්වා එක කලාවකට

හීනියට හිනාවෙනව ඇරෙන්න

මට දෙන්න වෙන උත්තරයක් නැතිකොට

හැරුණා උඹ ආයෙමත් ඈත ක්ෂිතිජය දිහාවට

රතුපාට අහස

මූදත් එක්ක දොඩමළුවෙන අපූරුව

හුස්මක් ගන්නැතිවම බලන් ඉද්දි උඹ

මං බලාන උන්නේ

දකුණින් හමන කං අගුල් වැටෙන හුළඟත් එක්ක

දඟ කරන පොර බදින

කැරලි කෙස් රොදවල් අතරින් පේන

උඹේ පිං පාට මූණ 

රූප රාජිණියෙක් නොවුණත් උඹ

සත්තයි ආන්කා

මගේ හිත ගෑණියෙක්ගෙන් ඉල්ලපු

හැම දේම තිවුණා

අඩුවක් නැතිවම උඹට

මහ මුහුද රතු පාට ඉර ගිලගෙන

සාතන්ගෙ හෝරාව ආවම

වෙලාව එනවා උඹටත් යන්න

උඹේ ඔලුවෙන් හමන

අදුර ගන්න බැරි මොකද්දෝ මල් පුසුඹ විතරක්

හැමදාමත් වගේ 

ඉතිරිවේවි මට...


- සේසත් -





Friday, March 17, 2017

Aris 13 ගැලීම් සටහන



1• එක්සත් අරාබි එමිර් රාජ්‍යයට අයත් Aris 13 නෞකාව සෝමාලියානු මුහුදු කොල්ලකරුවන් විසින් පැහැර ගත් බවට ආරංචි වේ. මෙය 2012න් පසු ඔවුන්ට වාණිජ නෞකාවක් අත්පත් කර ගැනීමට හැකිවූ පළමු අවස්ථාව වන අතර සම්පූර්ණ කාර්‍ය මණ්ඩලයම ශ්‍රී ලාංකිකයන් වීම විශේෂත්වයකි.


2• ඔවුන් කාර්‍ය මණ්ඩලය ඇතුලු නෞකාව නිදහස් කිරීමට විශාල කප්පම් මුදලක් ඉල්ලා සිටින බවට මාධ්‍යය වාර්තා කරයි.


3•  2012 වසරේ සිට 2015 වසර දක්වා වූ කාල සීමාව තුළ පාවෙන අවි ගබඩාවක් පවත්වා ගෙන යාම වෙනුවෙන් අතඩංගුවට පත් වූ ඇවන්ට්ගාඩ් මෙරිටයිම් පෞද්ගලික ආරක්ෂක සමාගමේ ප්‍රධානී නිශ්ශංක සේනාධිපති මෙම පැහැර ගැනීමට හේතුව තම සමාගම තහනම් කිරීම බවත්. මෙය නිදහස් කිරීම ලංකා නාවික හමුදාවට තබා ඇමරිකන් හමුදාවටවත් කළ නොහැකි බවත් එම ශක්‍යතාවය ඇත්තේ තම සමාගමට පමණක් බවත් මධ්‍යයට පවසයි.


4• හිටපු ජනාධිපති මහින්ද රාජපක්ෂ මහතා ද මෙම පැහැරගැනීමට හේතුව ඇවන්ට්ගාඩ් නොමැතිකම බවමාධ්‍යයට පවසයි.


5• සෝමාලියානු නාවික පිරිස් මුහුදු කොල්ලකරුවන්ට වෙඩි ප්‍රහාර එල්ල කළ බවත් ශ්‍රී ලංකා ජනාධිපතිගේ ඉල්ලීම මත නැවට එල්ල කළ වෙඩි ප්‍රහාර නැවතූ බවත්පුවත් වාර්තා කරයි


6•  කිසිඳු කප්පම් ගෙවීමකින් තොරව අදාල නැව නිදහස් කළ බවත් මීට හේතුව අදාල තෙල් නැව තෙල් ප්‍රවාහනය කලේ සෝමාලියානු බලවත් ව්‍යාපාරිකයින් වෙනුවෙන් බව අදාල මුහුදු කොල්ලකරුවන් දැන ගැනීම නිසා බවත් අද උදෑසන පුවත් වාර්තා කරයි.


මේ අනුව අපට ගොඩ නගා ගත හැකි අසමානතාවය පහත පරිදිය


ශ්‍රී ලංකා නාවික හමුදාව > ඇමරිකානු නාවික හමුදාව > සෝමාලියානු මුහුදු කොල්ලකරුවන් > ඇවන්ට්ගාඩ් සමාගම > සෝමාලියානු නාවුක හමුදාව > මෛත්‍රීපාල සිරිසේන > සෝමාලියානු බලවත් ව්‍යාපාරිකයින්


ෆීලිං ඕසම් නිරිතදිග මෝසම්




Monday, January 30, 2017

අහංකාර නගරෙ

2005 අහංකාර නගරෙ ගීතය, College girl කෙනෙක්ට ගැයූවක් නම්, 2017 මධුවිතකින්, milf කෙනෙක් වෙනුවෙන් නොවේද?

Raniduගෙ 'අහංකාර නගරේ' හා 'මධුවිතකින්' ගීත දෙක අතර ඇති සම්බන්ධය මතුපිටින් බැලුවිට ඇති දේට වඩා ගැඹුරු සම්බන්ධයක් ඇති බව මේ ගීත දෙක මාරුවෙන් මාරුවට අහනකොට මට තේරුම්ගත හැකි විය. එම සම්බන්ධය සැකැවින් මෙසේයි.

1996 ක්‍රිකට් ලෝක කුසාලනය දිනා වසර 10කට ආසන්න කාලයකදි, එනම් 2005 වසරේදි නිකුත් වුනු අහංකාර නගරේ නම් ගීතයෙන් කියවෙන ආකාරයටම හිරිමල් යොවුන්වියේ පසුවන තරුණයෙකුගෙ හිතෙ මෝදු වු කුලුඳුල් ප්‍රේමය, එනම් සෑම නිරෝගි තරුණයෙකුගේම ප්‍රථම ප්‍රේමය, හොට් & සෙක්සි කෑල්ලක් කෙරේම යොමු වීම සාමාන්‍යයෙන් සිදු වන අතර මේ තරුණයාටත් එය එසේම වී ඇත

"අහංකාර නගරේ පුරඟනක්ද නුඹ ළඳුනෙ...
තරමට ඉඟත් බෝම පොඩි ලැමත් බෝම ඇති දිගැස් තියන ළඳුනෙ..."

ගීතයෙ මුල්ම පද පේළි වලින්ම ඒ බව මනාව පැහැදිලි වී ඇති අතර,

" නුඹෙ වයස මටම ගැලපෙයිනම් මව්පියන් හිතට සතුටුයි නම්...
මට සිත දී සනසලා විල කලඹලා රැයම සරසලා..."

මෙම පද පේළි වලින් පෙනෙන පරිදි මෙම තරුණයා ආතල් එකට කරන පෙමක් නොවන බව මව්පියන්ගේ ආශිර්වාදය අගයන ආකාරයෙන් පෙනෙන අතර සාම්ප්‍රදායන්ට ගරු කරමින් වයස් පරතර පිළිබඳ අවදානය යොමු කර ඇති බවත් පැහැදිලි වේ.

මෙසේ මෝදු වු පෙම එම තරුණයා එම අදාළ ගැහැණු ළමයාට පවසා ඇති අතර මා කැට තියා ඔට්ටු අල්ලන්නම් ඇය අනිවාර්යයෙන්ම "අපි යාලුවො වගෙ ඉමු, ඔයාට මට වඩා හොඳ කෙනෙක් ලැබෙයි" ලෙස පවසන්නට ඇත. මෙයින් සිත් තැවුලට පත් තරුණයා විදේශ රටකට ගොස් අවුරුදු කිහිපයක් බයිලා(tronic) ගසා ජිවිතය නසරානි වි නැවත්ත මෙරටට පැමිණ ඇත.

අපි හැමෝටම පරිදි පළමු ප්‍රේමය හිමිත් නැත, අමතකත් නැත. ඉතිං සබඳ මේ ලෝක න්‍යාය මේ තරුණයාට පමණක් වෙනස් වන්නේ කෙසේද? ඔහුට මෙරටට ආ පසු ඇය ගැන සිහි වී ඇය පිළිබඳ සොයා බලා ඇත.

වසරට 10කට පෙර සිටි ඒ amature යුවතිය දැන් බොහෝ විට milf වී සිටිය යුතුය. ඇය ගැන සොයා බැලුවිට තමාගෙ පරම පිවිතුරු අකලංක ප්‍රේමය ඉවත දා තමාට ලොකු සීන් දමා කැමති නොවු යුවතිය අදත් එසේමය. එදා ගිය වටේ තාම ගමන් කරමින් සිටියි. ඒ බව,

 "තහනම් ගෙඩි කෑමුත් නුඹ රහසේ, බැඳුනත් නුඹ වෙන බඹරුන් පහසේ...
නැළවෙන උකුලේ පිරිපුන් ලමදේ හිඳි සුව සිහිවන විට සිත පිබිදේ..."

අලුත්ම ගීතයෙ මෙම පද පේළියෙන් මනාව පැහැදිලිව පෙනී යයි.

"නිදි නැති රෑ තුන්‍ යම රඟනා, රතු දෙතොලින් රහසේ කොඳුරා...
සලෙලුන් හිත මංමත් කරනා, මල් සර හී වරුසා වැටුනා..."

සල්ලාලයන් ගැන මෙහි දක්වා ඇති අතර එමඟින් gangbang එකක්දෝ යන්න ප්‍රශ්නාර්ථයක් ඉතිරි කර ඇතත්, ඒ සමඟින්ම 'මල් සර හී වරුසා' වැටුන  බව සඳහන් කර ඇත. මල් සර හී වරුසා මොනාද කියලා තාමත් වැටහෙන්නෙ නැත්නම් අනුකම්පා ලිස්ට් එකට නම දාගෙනම යනමෙන් ඉල්ලා සිටිමි.
වසර කිහිපයකින් තම ප්‍රථම ප්‍රේමය අමතක කළ නොහැකි වු තරුණයා නුඹ අපි හැමෝම පරිදි මධුවිතකින්ම ප්‍රශ්නය ඉවර කිරිමට තීරණය කර ඇත.

පිටපත සටහන
මහාචාර්ය Kadz 😁

ඔරිජිනල් පෝස්ටෙක ---->
 https://m.facebook.com/story.php?story_fbid=1373393042724532&id=100001615479257



Thursday, November 3, 2016

෴ පොල් පැළේ ෴

යාපනේ සිද්ධිය, එටිසලාට් සහ ශ්‍රීපාදය සමඟ හොයා ගන්නවත් නොමැතිව සිටි එකම කාසියේ දෙපැත්තවන බො.බ.සෙ ය සහ තව්හීඩ් ජමාත් හි ක්ෂණික ආගමනය හුදුඅහම්බයන් ලෙස බැහැර කිරීමට පූර්ව අත්දැකීම් ඉඩ නොදේ.
දේශපාලඥයාට යකුන් අවශ්‍ය ය.
මෙවැනි සෑම විටම සිහියට එන ඇඩොල්ෆ් හිට්ලර්ගේ සුප්‍රකට ප්‍රකාශය සටහනක් ලෙස තබමි

"සුප්‍රකට දේශපාලකයෙකු, ජනතාවගේ ශ්‍රේශ්ඨ නායකයෙකු වීමට නම් දේශපාලකයා විශින් තම දේශයේ සාමය ඇති වීමට ඉඩ නොදිය යුතුය. ඔහු හැමවිටම කලබල ඇති කළ යුතුය. මිනිසුන් තුළ බිය, අනාරක්ෂාව, දුක වේදනාව ඇති කළ යුතුය. මිනිසුන්ට දේශපාලකයා නැතිව බැරිය යන හැඟීම ඇති කළ යුතුය. සෑම විටම තම ළඟපාත අය සම්බන්ධකොට සැබෑ හෝ ව්යාජ සතුරන් මැවිය යුතුයි. එම සතුරන් වෙන්කොට දැක්විය යුතුයි. ඉතින් ඔබේ නායකත්වය පල දරන බව හැගුණු විට යුද්ධයක් ඇති කරන්න. මක් නිසාද  ශ්‍රේෂ්ඨ නායකයන් බිහි වන්නේ යුද්ධයෙනි"

෴ඇඩෝල්ෆ් හිට්ලර්෴



Monday, August 1, 2016

෴අහවල් ආගමට අහවල් විජ්ජාවේ මුක්කු අවශ්ය ද?෴



සමහරුන්ගේ 'අහවල්' ආගමට විජ්ජාවෙන් මුක්කු, කිහිලි කරු අවශ්යය.
නමුත් මගේ අහවල් ආගමට එසේ අවශ්ය නැත.
ඕක වර්තමාන අහවල් ආගමිකයන්ගේ පට්ට හීන මාන තත්වෙකි.
උන්ට ට්වයිලයිට් එකේ බෙලා අහවල් ආගමට හැරී ඇතයි පෝස්ට් එකක් දුටු විට චූන්ය. නැත්නම් අහවල් ආගමේ අහවල් එක තමන්ට නොතේරෙන විද්යාත්මක මෙව්වා එකකින් පහදන්නේයයි කී විට අම්බ චූන් ය.
අනිත් වෙලාවට 'සුද්දගෙ රෙද්දෙ බටහිර ඊනියා විද්යාව' එතකොට හොඳය.
අවුල තියෙන්නේ මුන් විජ්ජාව දන්නේ ද නැත.
අහවල් ආගම දන්නේ ද නැත.
දන්නා එකම දේ ණයට ගත් අදහසක් අල්ලා නැටීමය.

විජ්ජාවේ හා අහවල් ආගමේ සමපාත වීම් දෙකම කොයි මට්ටමෙන් හෝ හදාරන ඕනෑම අයෙක් නිරීක්ෂනය කරයි.
උදාහරණයක් වශයෙන් විවිධ මූල ද්‍රවය, සංයෝග වලින් බහුල 'ආදි සූපය' සහ අහවල් ආගමේ අග්ගඤ්ඤ සූත්‍රයේ 'රස පඨවි'  අතර සමාන කමක් කෙනෙක් නිරීක්ෂණය කළ හැක.
නැතිනම් පේලොයෝසොයික යුගයේ කාබෝනිෆෙරස් යුගයේ වෘකයන් තරම් ගෝනුස්සන් විසීම [ඔක්සිජන් බහුල වායුගෝලය නිසා] හා අහවල් ආගමේ චක්කවත්ති සීහනාද සූත්‍රය (මතක විදිහට) හි මිනිසුන් විශාල දේහ දරන යුග සමපාත වන්නාසේ පෙනීමට හැක.
නමුත් මේවා අහම්බයන් මිස එතනින් එහා වටිනාකම් ඇති දේවල් නොවේ.
අතිශයින්ම පුද්ගලාබද්ධ නිරීක්ෂණයන්.

ඔබ එළ හරක්කුත් ඇති කරන්න, මී හරක්කුත් ඇති කරන්න නමුත් දෙගොල්ලොන්ව එක නගුලේ නොබඳින්න.
එසේ කළොත් ඔබ සදා අනාථ වනු ඇත.

ඔබ සැමට ස්පැගති රාක්ෂ සරණයි.!



Monday, May 30, 2016

෴යෙන්ඩ තම්බි යෙන්ඩ තම්බි නැගිටලා ෴ (අන්තවාදය හා ඊසොප්ගෙ වෙනත් කතා)



¤පළවෙනි කොට්ඨාශය -
" සිංහල දරුවෙක් මුසල්මානුවන් විසින් නිරුවත් කරයි..! සිංහලයිනි නැගිටිව් !! ඒ හෙට ඔබේ දරුවා විය හැකියි"

¤දෙවන කොට්ඨාශය -
"කඩේක හොරකමක්වත් දෑන් අපිට අල්ලන්න බෑ. මේක අපෙත් රට තමයි ! සිංහලයිනි අපේ ඉවසීම නිවටකමක් විදිහට ගන්න එපා!!"

¤ඒ කොට්ඨාශයත් මේ කොට්ඨාශයත් ඇරුනම තුන් වෙනි කොට්ඨාශය -
"ඔන්න බේබදු නානසාරට තවත් පොටක්...."

ලයින් එකක් ඇදලා අපි පළවෙනි දෙවනි කොට්ට්ඨාශ දෙක අන්තවාදීන් කියලා හදුනගන්නවා. එතකොට කවුද මේ තුන් වෙනි සැට් එක.?

තුන් වෙනි පෙළ හැදෙන්නේ අන්තවාදය ප්රතික්ෂේප කරන පිරිස් වල එකතුවෙන්.
ඒත් විශේෂම ලක්ෂණය තුන් වෙනි පෙළේ ප්රධාන ඉලක්කය පළමු පෙළ මිස දෙවන පෙළ නොවීම.

'බුදුන්ගේ දේශය' සංකල්පය, 'අල්ලාගේ රාජ්ය' සංකල්පය තරමටම ගෝත්රිකයි.
දෙවන පෙළේ අන්තවාදය සූක්ෂමයි සැලසුම් සහගතයි.
ඒ වෙනුවෙන් පළමු පෙළේ ප්රතිචාර බොහෝ දුරට ප්රාථමිකයි..හාස්යෝත්පාදකයි.

වහාබි, බුර්කා, සේනා, බලකා, උලමා, රාව, සතකුප්පා, ජිහාඩ්, මිනීමස්, හරක් මස් ,...
කටේ කෙළ ගානට කටට හුරු වෙන්නෙ ඒකෙ ප්රතිඵලයක් විදිහට..
තෙවන පෙළ හිනා වෙන්නෙ ඒවට. තෙවන පෙලේ 'බයිට' ඒක..

ඒත් ප්රශ්නෙ මේකයි..

එතකොට හරි ද?

පළවෙනි, දෙවනි පෙළවල් එක්කම ඇති වෙන එකක් තමයි ඔවුන් මත යැපෙන පාලක පන්තියක් සහ පූජක පක්ෂයක්.
ඔවුන්ව පෝශනය කරන්නෙත් එම පාලක පන්තිය සහ පූජක පක්ෂය.
හිඟන්නට තුවාලයක අවශ්යතාවය වගේ එම පාලක/පූජක කොටස් වලට පවතින්න පළමු දෙවන පෙළවල් දෙකේම පැවැත්ම අත්යවශ්යයි.

හතරවන පෙළක් අවශ්ය වෙන්නෙ එය පැහැදිළිව හදුන ගත්තම.
හතර වෙනි පෙළේ අවධානය තිබිය යුත්තේ එතන.
හතරවෙනි පෙළේ ඉලක්කය
"වහාබි, බුර්කා, සේනා, බලකා, උලමා, රාව, සතකුප්පා, ජිහාඩ්, මිනීමස්, හරක් මස්..."
සමාජයෙන් අතුගාන එක.
පළමු දෙවන පෙළ දෙකම විවේචනය කරන එක.
එකක් පවතිනතාක් කල් අනික පවතින කොටස් දෙකකින් එකක් විතරක් වෙන්  කර නැති කිරීම සිද්ධ නොවෙන දෙයක්. එක කොනක් පමණක් විවේචනය කිරීමමත් අන්තවාදයක්.
සිව් වන පෙළේ අරමුණ අන්තවාද ප්රූෆ් සමාජයක් හදන එක.

කොටින්ම හිඟන්නගෙ තුවාලෙ නැති කරන එක.

-පිසාචයා-