Friday, February 1, 2019

කුඩු හටන

"මොනවම හරි කරන්න වෙනවා අයිසෙ. අරූ නං යුද්ධයක් හරි කරා. මං ඇට පෙන්නලද ලැජ්ජ නැතුව දෙවනි පාරක් ඉල්ලන්නේ හිටං?.  "

"අපෝ එපා සර්"

"ගොනෙක් නොවී කරන්න දෙයක් කියපං"

"කරනවනං දෙයක් තියෙනවා සර්. අපි කුඩු වලට එරෙහිව යුද්ධයක් ප්‍රකාශ කරමු. අර කොහෙද රටක එකෙක් ජාත්‍යන්තරයට ගියේ ඒක කරලා. සර්ට බැරි වෙන එකක් නෑ"

"ඕයි මෙහෙට කුඩු  බස්සන කීප දෙනා අපි නොදන්නවද අමුතුවෙන් හොයන්න. අනික අපිට පුළුවන්ද ඕයි උන්ට යුද්ධ ප්‍රකාශ කරන්න හිටං ?"

"උන් නෙවෙයි සර්. උන්ගෙන් බඩු අරං විකුණන කීප දෙනෙක් අල්ලලා. කුඩු ගහන කොල්ලො කුරුට්ටො කීප දෙනෙක් අයූධ පෙන්නන්න ටුවර් එක්කන් ගියා නම් ඒ ඇති"

"වැලේ සාරි උස්සලා කුඩු ගහන උන්ට කොයින්ද ඕයි ආයුධ?"

"ඒවා අපේ මිනිස්සුන්ට වැඩක් නෑ සර්. මිනිස්සුන්ට ඕනෙ හෙඩ්ලයින්. අරුං කොහොමත් ඊළඟට ජනාධිපතිවරණයක් ගේන්න දත කන එකේ සර් දිගටම පඹයා වෙලා ඉඳලා නම් හරියන්නෑ."

"ඒකත් ඇත්ත ඕයි. අපි අරූගෙ රටට ටුවර් එකක් දාගෙනම කැම්පේන් එක පටං ගමු. මෙහෙට වරෙං උම්මා එකක් දෙන්න හිටං"

"සර්...ආර්‍යාව"


Sunday, October 21, 2018

Monday, September 25, 2017

දුම්රිය මොහොතක් නතර උනේ

උසස් පෙළ කේවල ව්‍යාපෘතිය වෙනුවෙන් මාතෘකාවක් තෝර ගන්න වෙද්දි මට ඕන උනේ එක්කෝ කොළඹ කුණු ප්‍රශ්නය ගැන කරන්න. නැත්තම් තරුණ පරපුර සහ සියදිවිහරණය ගැන කරන්න. ඒකෙන් මම තෝර ගත්තේ දෙවනි එක. 

කොයි ජීවිතයත් වටිනවා උනාට තරුණ ජීවිතයක් නැතිවෙනවා කියන එක ගැන මොකක්දෝ හේතුවක් මත මං ගොඩක් සංවේදියි. තරුණ හිත් ඇතුලෙ තියෙන්නේ එක හීනයක් බලාපොරොත්තුවක් නෙවෙයි. ඒක හැම තරුණයෙක්ටම පොදුයි. .

අපි හිතන පතන හැමදේම, හැම හීනයක්ම ඒ විහිහට වෙන්නේ නෑ තමයි..ඒත් ඒ වෙනුවෙන් බාහිර සමාජය එක්ක..තමන් එක්කම කරන සටන මාරම අවංකයි.
ජීවිතය කියන්නේ අවසානයක් නැති අරගලයක්. ඒ අරගලය මගදි සටන අත ඇරලා දාන්න මනුස්සයෙක්ට හිතෙන මානසික තත්වය සරල නෑ. ජීවිතයේ දුක සතුට අතර තියන සියුම් දෝලනය තේරුම් ගන්න එක ලේසි දෙයක් නෙවෙයි. ඒත් තමන්ගෙ ජීවිතය අවසානෙදි වැඩියෙන්ම වටින්න ඕන තමන්ට..

මහකණුමුල්ලේ වජිර හිමි වෙරලියැද්ද වෙනුවෙන් ලියපු ලස්සන සිංදුවක ජීවිතයේ සතුට දුක අතර තියෙන ක්ෂුද්‍ර බෙදීම දරා ගන්න බැරුව දුම්රියට බිළිවෙන තරුණයන්ගෙන් අහනවා වගේ "කවුරුද හැඬුවේ..කාටද රිදුනේ..දුම්රියමොහොතක් නතර උනේ"
උඹම උඹේ ජීවිතය නැතිකර ගත්තත්..කවුරු හරි ඒක කළා කියලා පොලිස් පරීක්ශන හොයා ගත්තත්. නිවන් සුව 

පලි:
වෙරලියැද්දගේ පෙරුම් පුරාගෙන ගීතය මෙතනින්

Saturday, July 22, 2017

මරි නම් ඇත්තින්නියට ලබා දුන් මරණ දඩවුම

බයිසිකලයට/ වාහනයට නැගීමට පෙර ඔබේ මට්ටම ඔබම බලා ගන්න රැ.500ක් වැනි මුදලකට නිවසටම ගෙන්වා ගන්න



මරි නම් ඇත්තින්නියට ලබා දුන් මරණ දඩවුම
_+_+_+_+_+_+_+_+_+_+_+_+_+_+_+_+_+_+_+_+_+_+_+_+_


මරි කියන්නේ ටෝන් 05කට ආසන්න දැවැන්ත ආසියානු ඇතින්නියක්.. ගොඩාක් මරිව දන්නේ මීනිමරු මරි කිව්වාම.. මෙයා ලෝක ප්‍රසිද්ධ සර්කස් කණ්ඩායමක් වන Sparks World එකේ රග දක්වපු ඇතින්නියක්.. ඒත් 1916 දී මෙයාගේ පුහුණුකරුව ඝාතනය කිරිමේ වරදට ප්‍රසිද්ධියේ එල්ලා මරණවා.. ඒ සිදුවීම ගැන කියන කතාවයි..


1916 සැප්තැම්බර් 12 වෙනිදා වොල්ටර් එල්ඩ්‍රිජ් ඔහුව ගොඩාක් අය හැදින් වූයේ රෙඩ් කියලා මොකද එයාගේ කොණ්ඩේ නිසා ඒක රතු පාට කැරලි ගැහුණු කොණ්ඩයක් නිසා මෙයා තමයි ලෝක ප්‍රසිද්ධ සර්කස් කණ්ඩායමේ අලි ඇතුන් පුහුණු පුහුණුකරුවා විදිහට වැඩට ගත්ත කෙනා.. මේ පුද්ගලයාට අලි ඇතුන් පාලනය ගැන කිසිදු ආකාරයක සමාන්‍ය දැනීමක්වත් නෑ, ඒත් තිබුනු සුදුසුකම් ( ඇගපත) හා හෙණ්ඩුව පාලනය කර ගන්න පුළුවන් නිසා මේ මනුස්සයාව වැඩට ගත්තා..හැබැයි මෙයා සර්කස් එකේ වැඩ කරේ එක දවසයි... මරි තමයි මේ සර්කස් එකේ තරුව වුනේ අතුන්ගේ අංගයේ දී හැම වෙලාවෙම ඉදිරිය ගත්තේ මරි.. මේ මිනිමරුම සම්බන්ධව ඇසි දුටුවෙකු යැයි කියාගත් ඩබලිව්.එච්.කෝල්මාන් මෙසේ කියා තිබුනා.. එල්ඩ්‍රිජ් විසින් මරීගේ කණ පිටුපසට අල්ල කරපු පහරක් නිසා ඇය කෝප වුනු බවත් ඇයගේ හොඩවැලෙන් ඔහුව උස්සා වතුර තබා තිබී මෙසේය මතට විසි කර, පසුව ඔහු ළගට ගිය ඇය හිස පාගා පොඩි කර දැමූ බව කියා තිබුනා..

බියට පත් ප්‍රේක්ෂකයන් හිස් ලූලූ අත දිව ගිය අතර, එතන සිටි කම්මල්කරුවෙකු තමන් සතු ගිණි අවියෙන් වෙඩි ප්‍රහාර කිහිපයක් එල්ල කරලා තිබුනා ඒත් මේ දැවැන්ත ඇතින්නියට එයින් කිසිදු හානියක් වෙලා නම් නෑ. පසුව ඇය සන්සුන් වූ නමුත් බියට පත් ප්‍රේක්ෂකයන් “Kill the elephant, kill the elephant!” ( අලියාව මරන්න) ලෙස කියමින් කෑ ගසමින් දුව ගිය බව සදහන් වෙනවා.
සර්කස් කණ්ඩායමේ අයිතිකරු වුනු චාර්ලි ස්පාර්ක්ස් ඔහු අවාසනාවන්ත තීරණයකට එළඹෙනවා ඒ ඇතින්නිය තවත් පිරිසකට කරදර කරන පොදු ස්ථානයකට යාමට පෙර ප්‍රශ්නය විසදන්න ඕන කියලා ඒකට ඔහු ගන්න තිරණය ඇතින්නිය ඝාතනය කිරීමයි. ඒ අනුව ක්‍රේන් එකක ඇතින්නිය ගැට ගසා එල්ලා මැරීමට තීරණය කරනු ලබනවා. එදා 1916 සැප්තැම්බර් 13 වෙනිදා දිනය හරියට මූසල දිනයක් වගේ මීදුමයි සමාන්‍ය පොද වැස්සකුයි වැටෙමින් තිබුනා.. මරී කිසිම දෙයක් දන්නේ නැතුව බලා සිටියා.. දැවැන්ත ක්‍රේන් එකක් සම්බන්ධ කරපු දුම්රියක් යුනිකොයි කවුන්ටි Tennessee වෙත ගෙන ආවා.. 2500කට අධික පිරිසක් මේ ස්ථානයට රැස්ව සිටියා. එතනින් ගොඩාක් අය ටවුන් එකේ හිටිය පුංචි ළමයි...මරිව දුම්රිය අංගනයට ගෙන ආවා.

මරියව තදින් දම්වැල් වලින් බැදලා දාන්න චාර්ල් ස්පාරක්ස් කටයුතු කරලා තිබුනා.. මොකද ඇය කලබල කරයි කියන බිය නිසා.. අනිත් ඇතුන් ටිකත් මරියා පිටිපස්සෙන් ගෙනත් තිබුනා. ඇයගේ දැගලීම නැවැත්වීම සදහා එක් පාදයක් රේල් පාරේ තබා තදින් ගැට ගසනු ලැබුවා. එය සිදු නොකළ යුත්තක් බව කාරුත් කියන්න උත්සහ කරේ නෑ. ඇගේ ඇටකටු බිදෙන හඩ ඒ නිහැඩියාව තුළ ඇසෙන්න වුනා.. ඇයගේ බෙල්ලේ අස්ථි බිදී මිය යන තුරුම අඩි පහකට වඩා ඉහළට ඔසවනු ලැබුවා. ඉහළට ඔසවා තිබු මරියාව එක සැරේ බිමට වැටී ඇගේ උකුල් ඇට බිදි ගියේය...
මෙවර නැවත වරක් ක්‍රේන් එකට ගැට ගැසූ මරියාව කළින්ටත් වඩා ඉහළට ඔසවනු ලැබීය. මෙවර කළින්ටත් වඩා ඇයගේ අස්ථි බිදිම සිදුවන්නට වුනා.. ඇයගේ වේදානත්මක කැගෑසීම හා අස්ථි බිදි යන හඩ බොහො දෙනාට සිනාහවක් හා කෝපයක් එක් කලා.. පැය භාගයකින් පමණ පසුව ඇය හැමදාටම නිහඩ වුනා.. ඇයගේ මිය ගිය සිරුර දැම්වැල් මත එල්ලමින් තිබුනා. එදා මේ අවස්ථාව ඡායාරූප ගත කෙරුනේ පහත අයුරින්.. බොහො දෙනා මේ ව්‍යාජ ඡායාරූප බව කිව්වත් එදා පළ වු වාර්තා හා අනිකුත් ඡායාරූප හමුවේ මේ සිදුවීම සත්‍යයක් බව තහවුරු වුනා.. කොහොම වුනත් ඇයගේ ජිවිතය අවාසනාවන්ත ලෙස අවසන් වුනා...

මට හිතෙන දේ තමයි මිනිසාගේ නීතිය කැලේ නිදහසේ ජිවත් වෙන සතෙකුට ක්‍රියා කරන්නේ කොහොමද? අහිංසක සතෙක් අල්ලගෙන ඇවිත් වද බන්ධන දීලා ඌට මොනවා හරි පුරුදු කරලා ඒ සතාගේ ජිවිතේ මේ විදිහට මිනිස්සුන්ට ඕන විදිහට නැති කරන්න පුළුවන් වුනේ කොහොමද? මෙය 20 වන සියවසේ අමානුෂිකම ක්‍රියාවක් විදිහට ඉතිහාසය තුළ ලිය වී ඇත......

Tuesday, May 9, 2017

~ ආන්කා මම උඹට.. ~



උඹත් ආසයි මුහුදට

මාත් ආසයි මුහුදට

අපේ කැමති අකමැති දේවල්

එදා ඉදලම ගැලපුණා හරි අපූරුවට

ඇලෙක්සෙයි ගොඩක් ස්තූතියි ඔයාට

දිලිසෙන ඇස් දෙක කිව්වා එක කලාවකට

හීනියට හිනාවෙනව ඇරෙන්න

මට දෙන්න වෙන උත්තරයක් නැතිකොට

හැරුණා උඹ ආයෙමත් ඈත ක්ෂිතිජය දිහාවට

රතුපාට අහස

මූදත් එක්ක දොඩමළුවෙන අපූරුව

හුස්මක් ගන්නැතිවම බලන් ඉද්දි උඹ

මං බලාන උන්නේ

දකුණින් හමන කං අගුල් වැටෙන හුළඟත් එක්ක

දඟ කරන පොර බදින

කැරලි කෙස් රොදවල් අතරින් පේන

උඹේ පිං පාට මූණ 

රූප රාජිණියෙක් නොවුණත් උඹ

සත්තයි ආන්කා

මගේ හිත ගෑණියෙක්ගෙන් ඉල්ලපු

හැම දේම තිවුණා

අඩුවක් නැතිවම උඹට

මහ මුහුද රතු පාට ඉර ගිලගෙන

සාතන්ගෙ හෝරාව ආවම

වෙලාව එනවා උඹටත් යන්න

උඹේ ඔලුවෙන් හමන

අදුර ගන්න බැරි මොකද්දෝ මල් පුසුඹ විතරක්

හැමදාමත් වගේ 

ඉතිරිවේවි මට...


- සේසත් -





Friday, March 17, 2017

Aris 13 ගැලීම් සටහන



1• එක්සත් අරාබි එමිර් රාජ්‍යයට අයත් Aris 13 නෞකාව සෝමාලියානු මුහුදු කොල්ලකරුවන් විසින් පැහැර ගත් බවට ආරංචි වේ. මෙය 2012න් පසු ඔවුන්ට වාණිජ නෞකාවක් අත්පත් කර ගැනීමට හැකිවූ පළමු අවස්ථාව වන අතර සම්පූර්ණ කාර්‍ය මණ්ඩලයම ශ්‍රී ලාංකිකයන් වීම විශේෂත්වයකි.


2• ඔවුන් කාර්‍ය මණ්ඩලය ඇතුලු නෞකාව නිදහස් කිරීමට විශාල කප්පම් මුදලක් ඉල්ලා සිටින බවට මාධ්‍යය වාර්තා කරයි.


3•  2012 වසරේ සිට 2015 වසර දක්වා වූ කාල සීමාව තුළ පාවෙන අවි ගබඩාවක් පවත්වා ගෙන යාම වෙනුවෙන් අතඩංගුවට පත් වූ ඇවන්ට්ගාඩ් මෙරිටයිම් පෞද්ගලික ආරක්ෂක සමාගමේ ප්‍රධානී නිශ්ශංක සේනාධිපති මෙම පැහැර ගැනීමට හේතුව තම සමාගම තහනම් කිරීම බවත්. මෙය නිදහස් කිරීම ලංකා නාවික හමුදාවට තබා ඇමරිකන් හමුදාවටවත් කළ නොහැකි බවත් එම ශක්‍යතාවය ඇත්තේ තම සමාගමට පමණක් බවත් මධ්‍යයට පවසයි.


4• හිටපු ජනාධිපති මහින්ද රාජපක්ෂ මහතා ද මෙම පැහැරගැනීමට හේතුව ඇවන්ට්ගාඩ් නොමැතිකම බවමාධ්‍යයට පවසයි.


5• සෝමාලියානු නාවික පිරිස් මුහුදු කොල්ලකරුවන්ට වෙඩි ප්‍රහාර එල්ල කළ බවත් ශ්‍රී ලංකා ජනාධිපතිගේ ඉල්ලීම මත නැවට එල්ල කළ වෙඩි ප්‍රහාර නැවතූ බවත්පුවත් වාර්තා කරයි


6•  කිසිඳු කප්පම් ගෙවීමකින් තොරව අදාල නැව නිදහස් කළ බවත් මීට හේතුව අදාල තෙල් නැව තෙල් ප්‍රවාහනය කලේ සෝමාලියානු බලවත් ව්‍යාපාරිකයින් වෙනුවෙන් බව අදාල මුහුදු කොල්ලකරුවන් දැන ගැනීම නිසා බවත් අද උදෑසන පුවත් වාර්තා කරයි.


මේ අනුව අපට ගොඩ නගා ගත හැකි අසමානතාවය පහත පරිදිය


ශ්‍රී ලංකා නාවික හමුදාව > ඇමරිකානු නාවික හමුදාව > සෝමාලියානු මුහුදු කොල්ලකරුවන් > ඇවන්ට්ගාඩ් සමාගම > සෝමාලියානු නාවුක හමුදාව > මෛත්‍රීපාල සිරිසේන > සෝමාලියානු බලවත් ව්‍යාපාරිකයින්


ෆීලිං ඕසම් නිරිතදිග මෝසම්